BOAS FESTAS E BOAS LECTURAS PARA O 2018!

30 ANOS ENSINANDO IDIOMAS!

Estades todos convidados á celebración do trinta aniversario da Escola de Idiomas de Pontevedra. Traede ás vosas familias e amizades!

CAFÉ OU TÉ?

PRIMEIRA ACTIVIDADE GASTRONÓMICA

O café con letras resultou toda unha experiencia gastronómica! Alumnos e alumnas de todas as linguas convertiron a biblioteca nunha cafetería italiana, nunha tetería inglesa ou mesmo nun roteiro imaxinario polos cafés de Porto.

Xuntos mergullámonos na cultura do café, exploramos os rituais do "British Tea" e deixámonos levar polo arrecendo destes produtos tan lendarios coma saborosos.

Bota unha ollada ás cousas que aprendemos: 

• Aprender como pedir un café en inglés
• Falar dos distintos tipos de café en Italia
• Que cafeterías visitar en Porto para respirar un verdadeiro ambiente portugués.
• Servir a "typical British tea". 
• E por suposto para falar de libros e de como apaixonarse coa lectura.

KAZUO ISHIGURO NA NOSA BIBLIOTECA

CAFÉ CON LETRAS

Só ou con leite, de calquera maneira combina perfectamente cos libros. Beber e comentar, dous verbos que podes practicar na biblioteca da EOI de Pontevedra. Un espazo e un tempo para exercer a produción oral sen apuro e con ledicia.

Café con letras é a nosa proposta para os meses de novembro e decembro .
Desde o equipo de dinamización da biblioteca (Plambe) colaboramos coa achega do café, infusións e petiscos para converter a produción oral nunha actividade máis lúdica e pracenteira.
Para máis información, pregúntalle á túa profesora ou profesor!

PARABÉNS AOS GAÑADORES

Os gañadores do concurso "Coñece a biblioteca da EOI de Pontevedra" son:

1. Ana Isabel Loureiro Vivel
2. Alba Pereira Santos
3. José Antonio Vinuesa Teba



Moitas grazas a todos por terdes participado!!

QUIZ FORMACIÓN DE USUARIOS

CUESTIONARIO: COÑECE A  NOSA BIBLIOTECA

24 DE OUTUBRO :DÍA DA BIBLIOTECA

O 24 de outubro celébrase o día da biblioteca.  O nosa escola únese a esta efeméride cun concurso e premios para os gañadores. Achégate á nosa biblioteca a vindeira semana  e cubre un sinxelo cuestionario con preguntas sobre as normas de uso.

Tamén queremos dar publicidade e animarvos a participar na campaña que o Observatorio de la Lectura y el Libro puxo  en marcha con motivo desta conmemoración: soamente tedes que enviar entre o 17 e o 24 de outubro á conta de Twitter ou en Instagram (@observalibro) coa etiqueta #Estoyenlabiblio, fotos tomadas nalgunha biblioteca (aproveitade a nosa!). Poderán ser imaxes tanto vosas a modo de selfie, coma feitas por outro ou doutras persoas. Non esquezades incluír na mensaxe o nome da biblioteca e a localidade onde se atopa.  Entre todas as fotos  recibidas, o Observatorio de la Lectura y el Libro elixirá as 10 que máis lle gusten e sorteará 3 lotes de libros.

Compartide esas imaxes tamén no facebook e twitter da Escola!!

NORMAS USUARIO 2017-2018

O servizo de préstamo da nosa biblioteca comeza o vindeiro luns 9 de outubro.
Consulta as norma de uso para este curso

GUÍA DO USUARIO 17-18

View more presentations or Upload your own.

APRENDER A PENSAR COA BIBLIOTECA ESCOLAR

"Aprender a pensar coa biblioteca escolar" é o lema escollido pola Consellería de  Educación con destino ás bibliotecas escolares dos centros educativos galegos. Aprender a pensar a través dos contos,  das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. 

Desde o Equipo de Dinamización da Biblioteca propoñemos que este curso aprendamos a pensar na nosa alimentación, en costumes saudables e en como se cociña en distintas partes do mundo. 

Saboroso, non é? Pois estade atentos as actividades que iremos colgando neste blog ao longo do curso!!

ENQUISA DE AVALIACIÓN DA BIBLIOTECA

Axúdanos a mellorar a xestión e as actividades de dinamización da biblioteca!

Só tes que adicarlle dous minutos a cubrir esta enquisa e facermos unha biblioteca mellor.

PRÉSTAMO ESPECIAL DE VERÁN

Consulta aquí o horario especial de préstamo en xuño.

OBRADOIRO DE CÓMIC EN ITALIANO

O  vindeiro xoves 18 de maio ás 18:30 vén a mergullarte no mundo do cómic en italiano da man dun dos seus personaxes máis representativos, Lupo Alberto.
Será unha actividade creativa e participativa. Non o podes peder!!

DEBATE CLUBS DE LECTURA

Para rematar as sesións dos clubs de lectura, teremos unha actividade conxunta cos tres clubs de inglés, italiano e portugués o vindeiro  luns 15 de maio ás 18.30 na biblioteca. Falaremos do feminismo na obra de Chimamanda Ngozi e doutras moitas cuestións cunha moderadora moi especial: a escritora Susana Sánchez Aríns. 
Estades todos convidados!!

HAUTE COUTURE NA BIBLIOTECA

A nosa biblioteca encheuse de glamour e arte co obradorio de alta costura francesa a cargo da lectora de francés Marie Estelle Boulon. Grazas a todo/as por terdes participado e parabéns aos deseñadores!

Haute couture - Kizoa Editar Videos - Movie Maker

OBRADOIRO DE ALTA COSTURA EN FRANCÉS

Máis arte na biblioteca da EOI! Esta vez tócalle á alta costura. Anímate a participar neste obradoiro en francés para aprender sobre o mundo da moda e demostrar as túas habilidades artísticas.

View more presentations or Upload your own.

OBRADOIRO DE CUSTOMIZACIÓN DE CAMISETAS

CICLO DE CINE : FILMES CON ARTE

Seguindo co lema das bibliotecas escolares deste curso, Biblioteca escolar: Territorio das artes, adicamos o ciclo de cine ao cinema de animación e películas que teñen algo que ver co mundo da arte.
Esperamos que vos gusten.

Presentación ciclo de cine 2017 de paulokagomez

JIVIN´ON DOWN TO HARLEM!

Seguimos fieis ao lema para este curso : Biblioteca escolar territorio das artes e esta vez propoñemos unha actividade que combina baile e música!! 

 Gústache a arte europea con toques africanos? Convidámoste a asistir á charla en inglés de Jarrett Mc Dowell sobre a era do Renacemento de Harlem. O vindeiro xoves 23 de febreiro ás 18.30 e venres 24 ás 10.30 no salón de actos. Benvidos á era do Jazz!

LIBROS QUE NAMORAN!

Queremos celebrar San Valentín cunha boa lectura. Comparte unha foto dese libro que nalgún intre te namorou no Twitter da EOI coa etiqueta: #librosquenamoran, en Facebook ou neste blog.
Aí vai a nosa pequena aportación:

BANDA DESEÑADA E NOVELA GRÁFICA NA EOI

Visita a nosa nova sección de banda deseñada e novela gráfica na biblioteca da Escola. 

Expo BD - Kizoa Editar Videos - Movie Maker